Sankt-Peterburqun Eksperimental Tibb İnstitutu adi qıcqırdılmış süd məhsulu kimi dad verən koronavirusa qarşı dünyada ilk yeməli vaksinin klinik sınaqlarına tezliklə başlamağa ümid edir.

Aztibb.az-ın məlumatına görə, APA-nın Rusiya bürosu xəbər verir ki, bu barədə institutun Molekulyar Mikrobiologiya və patogen mikroorqanizmlərinin molekulyar genetikası laboratoriyasının rəhbəri, Rusiya Elmlər Akademiyasının müxbir üzvü Aleksandr Suvorov bildirib.

“Bu günə qədər biz peyvənd namizədlərinin dörd variantını yaratmışıq. Çox ümid edirik ki, yaxın gələcəkdə klinik sınaqlara başlayacağıq”, - rusiyalı alim vurğulayıb.

İnstitutun direktoru, Rusiya Elmlər Akademiyasının professoru Aleksandr Dmitriyev isə 2020-ci ilin yanvarından institutda müvafiq tədqiqatların aparıldığını qeyd edib. Onun sözlərinə görə, yeməli COVID-19 peyvəndi bir sıra rəqabət üstünlüklərinə malikdir: “Onlardan biri bu dərmanın kifayət qədər asan içilməsidir. Həmçinin, belə bir peyvəndin istehsalı xüsusi təmizləmə texnologiyalarının istifadəsini və dərmanın seriyalı istehsalını təşkil etmək üçün ciddi maliyyə xərcləri tələb etmir”.