Aztibb.az-ın xəbərinə görə, bu barədə Mərkəzi Klinikanın uşaq cərrahiyyəsi və urologiyası uzmanı, cərrah həkim Fuad Hüseynov sosial şəbəkədə məlumat verib.

 

"Nəticədə bağırsaqlar, dalaq, mədə döş qəfəsinə keçərən ağciyəri ürəyi sıxır inkişafına və fəaliyyətinə mane olurdu. Vəziyyəti olduqca ağır olduğu üçün doğulduğu gün əməliyyata almaq mümkün olmadı. Neanotoloq və kardioloqlarımızın gərgin səylərindən sonra körpənin vəziyyəti çox riskli olsa da cərrahi əməliyyata imkan verəcək vəziyyətə gəldi".

 

Həkimin sözlərinə görə, çəkisi 2500 qram olan 1 günlük körpə cərrahi əməliyyata alınmış, uğurla keçən əməliyyat nəticəsində, bütün orqanlar qarın boşluğuna qaytarılaraq diafraqmadakı açıqlıq bərpa edilmişdir.

 

"Əməliyyatdan sonra hər şey yolunda getsə də, körpənin ürəyində olan qüsura bağlı olaraq süni tənəffüs aparatından ayırmaq mümkün olmamışdır. Məcburiyyət qarşısında 1 həftə daxilində 2-ci əməliyyat qərarı verilmişdir. Ürək damar cərrahı, tibb elmləri doktoru, professor Kamran Musayev tərəfindən PDA-nın ləğvi əməliyyatı uğurla həyata keçirilmişdir", - deyə cərrah həkim əlavə edib.