Dövlət Gömrük Komitəsi Tibbi Xidmət İdarənin rəis müavini, t.ü.f.d., dosent İsmayıl Əfəndiyəv və Mərkəzi Gömrük Hospitalın Anesteziologiya-reanimatogiya şöbəsinin həkimi Tərana Göyüşova Belçika Krallığın Brussel şəhərində “İntensiv terapiya və təxirəsallinmaz təbabət” mövzusunda keçirilən 41-ci Avropa Beynəlxalq Simpoziumunda iştirak ediblər.

Dünyanın 50-dən çox ölkələrdən və 1000-də çox əyani iştirakçı olan irimiqiyaslı beynəlxalq tədbirdə bu günə aktual olan İntensiv Terapiya və Təxirısallinmaz Təbabətə aid məsələlər tədbirin ilk günündə plenar və sattelit sessiyalarda müzakirə olunub.

Bunların arasında - ağır COVID-19 xəstələrin müalicəsi, xəstəxana daxili infeksiyalarla mübarizə, multiorqan çatışmazlığı olan pasiyentlərdə ekstrakorporal tibbi dəstək, septik və politravma xəstələrin müalicəsinə müasir yanaşmalar, intensiv terapiya şöbələrdə yatan xəstələrdə mexaniki ventilyasiya, təkmil hemodinamik monitorinq, nutrisiv dəstək, infuzion və anikoaqulyant terapiya və bir sıra digər aktual məsələlələr bu sahələrdə Avropanın aparıcı mütəxəssisləri iştirakı ilə müzakirə olunub.

Beynəlxalq simpoziumun işi davam edir.