Cənubi Afrika Respublikasında və Braziliyada İHV infeksiyasından uzunmüddətli müdafiəni təmin edən inyeksiya tipli yeni preparat tətbiq edilməyə başlanıb.

Aztibb.az xarici KİV-ə istinadla xəbər verir ki, Ümumdünya Səhiyyə Təşkilatının (ÜST) himayəsi altında fəaliyyət göstərən UNITAID agentliyinin açıqlamasına görə, bu yeni preparat hər gün dərman qəbul etməyin alternativi ola bilər.

"ViiV Healthcare" əczaçılıq şirkətinin yeni məhsulunun ABŞ-da tətbiq edilməsinə icazə verilib. Aktiv inqirediyenti kaboteqravir olan bu inyeksiya İHV-dən iki ay ərzində etibarlı müdafiəni təmin edir. ÜST ümid edir ki, bu preparatın tətbiqi bütün dünyada İHV profilaktikasının effektivliyini əhəmiyyətli dərəcədə artıracaq.

Antiretrovirus preparatları insanın həyati əhəmiyyətli orqanlarına düşən yükü səmərəli şəkildə azaltmaqla virusun orqanizmdə inkişafı prosesini dayandırır. Mövcud peroral dərmanlar İHV-nin qarşısını 99 faiz almağa imkan verir, lakin onlar inyeksiya ilə müqayisədə qat-qat ləng təsir edir.

İHV-dən əziyyət çəkən və bu səbəbdən hər gün İHV-yə qarşı həblər qəbul edən insanlar bəzi hallarda cəmiyyətdə ayrı-seçkiliyə və ya intim partnyoru tərəfindən zorakılığa məruz qalamaqdan qorxurlar. UNITAID-in mətbuat katibi Erve Verhuzel Cenevrədə jurnalistlərə müsahibəsində deyib: “Uzunmüddətli təsirə malik olan inyeksiya İHV-yə qarşı profilaktikanı çoxsaylı insanlar üçün münasib və təhlükəsiz varianta çevirə bilər”.