Elmi-Tədqiqat Mamalıq və Ginekologiya İnstitutunda ağır vəziyyətdə, 37-38 həftəlik hamiləliklə müraciət edən qadına təcili olaraq qeysəriyyə əməliyyatı icra olunub.

 

Aztibb.az xəbər verir ki, uşaqlıqda ikiqat çapıq, ağır dərəcəli anemiya və preeklampsiya diaqnozları olan qadının 3 935 qram çəkidə övladı dünyaya gəlib.

 

Qeysəriyyə kəsiyi sonrası pasiyentin vəziyyəti ağır anemiya fonunda ağırlaşdığından Anesteziologiya və reanimasiya şöbəsində ağciyərlərin ödemi və respirator distress sindromu ilə 2 gün süni tənəffüs aparatında daha sonra isə reanimasion şəraitdə stasionar müalicə alıb.

  

Şöbənin müdiri Nurəngiz Əhmədova və tibbi heyətin peşəkarlığı nəticəsində xəstə ağır vəziyyətdən çıxarılıb və Zahılıq şöbəsinə köçürülüb.

 

Pasiyent icbari tibbi sığorta ilə göstərilən bütün tibbi xidmətlərdən və onu belə bir ağır vəziyyətdən peşəkarcasına xilas etdiyinə görə N.Əhmədova başda olmaqla bütün tibbi heyətə təşəkkürünü bildirib.