“SARS-CoV-2 (COVİD-19) kompleks diaqnostikasına müasir yanaşmalar” mövzusunda beynəlxalq elmi konfransda çıxış etmək üçün Azərbaycana səfər edən Florence Nightingale Xəstəxanalar Qrupunun həkim-infeksionisti Feride Gökçe Demir eyni tarixdə Mərkəzi Gömrük Hospitalında rezidenturada təhsil alan həkimlər ilə görüşüb.

 

Aztibb.az xəbər verir ki, tədbirdə Mərkəzi Gömrük Hospitalının baş həkiminin müavinləri Bəxtiyar Musayev və Rəna Qasımova, Azərbaycan Respublikası Dövlət Gömrük Komitəsi Tibbi Xidmət İdarəsinin Elmi Təcrübi Tədris Mərkəzinin mütəxəssis Şəhla Mirzəzadə iştirak ediblər.

 

Türkiyədə pandemiyanın ilk günlərindən Florence Nigtingale Xəstəxanalar Qrupuna daxil olan tibb müəssisələrinin bu virusla mübarizədə fəal iştirakını qeyd edən Dr.Feride Gökçe COVİD-19 infeksiyasına yoluxmuş xəstələrin diaqnostikası, müalicəsi, yaranmış ağırlaşmalar, müalicə taktikası, istifadə edilən terapevtik üsullar, medikamentoz preparatlar və tibbi protokollardan istifadə əsasında toplanmış təcrübə haqqında geniş məlumat verib. Nəticədə ilk günlər ilə müqayisədə COVID-19-un diaqnostika və müalicəsində baş vermiş dəyişikliklərə xüsusi diqqət yetirilib.

 

Tədbirin sonunda F.G.Demir rezidentlərin çoxsaylı suallarını cavablandırıb.