Mərkəzi Gömrük Hospitalının pediatrı Fərəh Vahabova 13-16 mart 2022-ci il tarixlərində Türkiyədə keçirilən Milli Uludağ Pediatrların Qış Konqresində (Ulusal Uludağ Pediatri Kış Kongresi) iştirak edib.

Tədbirdə "Uşaqlarda dəri səpgilərinə praktik yanaşma", "Metabolik vəziyyətlərə faktlarla yanaşma", "Uşaqlarda böyümə problemləri" və "Təcili pediatriya və intensiv terapiya kursu" bölmələri üzrə müxtəlif mövzularda məruzələr dinlənilib.

Konqres çərçivəsində yenidoğulmuşlarda COVID-19 infeksiyası, uşaq döş qəfəsi xəstəlikləri - kistik fibroz, uşaqlarda revmatologiya və endokrin, uşaq immunologiyası, pediatriyada aktual yanaşmalar və digər mövzularda müzakirələr aparılıb.