Azərbaycan Respublikasının Prezidenti yanında Ali Attestasiya Komissiyasının qərarı ilə Ziba Qasımovaya tibb elmləri doktoru elmi dərəcəsi verilib.
Bu barədə Aztibb.az-a Ali Attestasiya Komissiyasından məlumat verilib.
Bildirilib ki, Ziba Qasımova Azərbaycan Tibb Universitetinin Terapevtik stomatologiya kafedrasının dosenti, Azərbaycan Peşəkar Ortodontlar Cəmiyyətinin sədridir.
O, "Şaquli diş-çənə anomiyalarının diaqnostika, müalicə və profilaktika metodlarının optimallaşdırılmasının müasir prinsipləri" mövzusunda dissertasiya işini 31 may 2021-ci ildə müdafiə etmişdi. Tədqiqat işində şaquli diş-çənə anomiyalarının (ŞDÇA) diaqnostikası, müalicəsi və profilaktikasının effektivliyinin artırılmasına təsir göstərən optimal kompleks metodlar təklif olunub.
Elmi yenilik diş alveolunun qısalması ilə əlaqədar olan ŞDÇA-ların sistemləşdirilməsindən, akustik mikroskopiya metodu ilə breketlərin birləşdiyi nahiyədə təsir müddətindən asılı olaraq dişlərin sərt toxumasının vəziyyətinin öyrənilməsindən, onların minaya və dentinə olan təsirinin müqayisəli təhlilindən, eləcə də aşağıtezlikli ultrasəsin diş ətinin toxumalarına və dişlərin sərt toxumalarına təsirinin optimal rejimlərinin müəyyənləşdirilməsindən obarətdir.
