Kistik Fibroz Xəstələrinə Yardım İctimai Birliyinin təşkilatçılığı ilə Kistoz Fibroz Gününə həsr olunmuş dəyirmi masa keçirilib.
Tədbirdə qeyd edilib ki, ölkəmizdə illik doğum sayı təxminən 150 minə yaxındır, Kistoz fibroz xəstəliyinin rastgəlmə tezliyi isə 5 mində birə bərabərdir.
Kistoz fibroz xəstəliyinin ölkəmizdə əlillik meyarı kimi müəyyən ediləcəyi də vurğulanıb.
Təqdimat və müzakirələrlə davam edən tədbirdə TƏBİB-in Tibbi fəaliyyətin təşkili departamentinin nümayəndələri iştirak edib, departament rəhbəri Teymur Mirzəbəyli geniş təqdimatla çıxış edib.
Xəstəliyin kliniki əlamətləri çox duzlu dəri, inadçı öskürək, tez-tez təkrarlanan ağciyər infeksiyaları, təkrarlanan sinus infeksiyaları, nazal polipoz, xışıltı və nəfəs darlığı, yaxşı iştahaya baxmayaraq, inkişafdan geriqalma, çəki artmama kimi problemlərdir.
Məlumat üçün bildirək ki, K.Fərəcova adına Elmi-Tədqiqat Pediatriya İnstitutunun nəzdində 6 saylı Uşaq Klinik Xəstəxanasında bu xəstələrin diaqnostikası üçün 12 Mart 2021-ci ildə mərkəz yaradılıb.
Kistik fibrozlu uşaqların müayinə və müalicəsi mərkəzin həkimləri tərəfindən aparılır.