Martın 10-da Azərbaycan Tibb Universitetinin (ATU) Tədris Terapevtik Klinikasının Pediatriya kafedrasında praktik həkimlər üçün "Qan analizinin təhlili" mövzusunda seminar keçirilib.

Seminarda çıxış edən Uşaq xəstəlikləri kafedrasının assistenti, t.e.n Nigar Əlibəyeva qan analizlərinin geniş təhlili və dünyada ən çox yayılan dəmir defisitli anemiya haqqında ətraflı məlumat verib.

Tədbirdə eritropoez, leykopoez, anemiyaların təsnifatı və onların differensial diaqnostikası ilə yanaşı, ölkəmizdə regional problem olan talassemiya xəstəliyi də geniş müzakirə olunub.

Klinikanın müalicə işləri üzrə direktor müavini Fəridə Hacıyevanın, Pediatriya kafedrasının müdiri, professor Nailə Sultanovanın, kafedra əməkdaşlarının və rezidentlərin iştirakı ilə baş tutan tədbirdə çoxsaylı analizlərin nəticələri və onların təhlili, slaydlar və videogörüntülər də nümayiş olunub.

Sonda N.Əlibəyova tərəfindən iştirakçıların sualları cavablandırılıb, mövzu ətrafında geniş müzakirələr aparılıb.