Aztibb.az xəbər verir ki, müsabiqənin keçirilməsində məqsəd tələbələrin təhsil aldıqları ixtisasları tanıdıqları qədər tanıtması və bu tanıtıma hazırlaşarkən apardıqları araşdırmalar nəticəsində onların özləri üçün ixtisasları ilə bağlı sual doğuran məqamlara cavab tapmaqları olmuşdur.

 

Müsabiqədə şövqlə çıxış edən 20 tələbənin 10-u İctimai səhiyyə ixtisasında, 10-u Fizioterapiya və tibbi reabilitasiya, 1-i isə Tibb bacısı ixtisasında təhsil alır.

 

Münsiflər heyətinin üzvləri fakültə dekanı, professor Anar Ağayev, Elmi-Tədqiqat Tibbi Bərpa İnstitutunun direktoru Pərvin Əkbərov, Təhsil və innovasiya şöbəsinin müdiri Aygün Babayeva, Qida təhlükəsizliyia İnstitutunun referans laboratoriyasının mütəxəssisi fakültənin məzunu Aynur Məmmədli 3 əsas meyarı - mövzunun əhatəliyini, elektron təqdimatın keyfiyyətini və tələbənin çıxışını rəhbər tutaraq tələbələri qiymətləndirmişdir.

 

Təhsil aldığı ixtisası ən gözəl şəkildə tanıdaraq, İctimai səhiyyə ixtisası üzrə Sahralı Məltəm, Fizioterapiya və tibbi reabilitasiya ixtisası üzrə isə Hüseynova Azadə və Şabanova Fatimə birinci yerə layiq görüldülər.

 

Müsabiqənin sonunda qalib tələbələr diplom və unudulmayacaq xatirə hədiyyəsi ilə, digər iştirakçılar isə sertifaktlarla təltif olundular.