Aztibb.az xəbər verir ki, təlimi biznes təlimçi və konsultant İlham Əfəndiyev aparıb. O, effektiv kommunikasiyaların əhəmiyyətindən danışaraq, qeyd edib ki, effektiv kommunikasiya sadəcə informasiya mübadiləsi deyil, həm də məlumatın dəqiq çatdırılması ilə yanaşı, deyilənlərin tam mahiyyətini başa düşməyə şəraitin yaradılmasıdır. Bu zaman dinləyən tərəf əmin olmalıdır ki, onun verdiyi məlumat başa düşülür və qəbul edilir.

 

Təlimçi qeyd edib ki, effektiv kommunikasiyanın məqsədi davamlı əlaqələr, o cümlədən hər iki tərəf üçün faydalı iş əlaqələri qurmaq və bu əlaqələri qoruyub saxlamaqdır. Müəyyən qaydalara əməl etməklə, insanlara düzgün yanaşma metodları tapmaqla, düşüncələri aydın və tez çatdırmaq bacarığını təkmilləşdirməklə effektiv kommunikasiya qurmaq mümkündür. Təlimin sonunda İlham Əfəndiyev təlim iştirakçılarının suallarını cavablandırıb və xatirə şəkli çəkilib.