Ümumdünya Səhiyyə Təşkilatının (ÜST) ölkə ofisi dərman vasitələrinin satın alınması və təchizatının idarə edilməsi üzrə missiyanı qəbul edib.

ÜST-in Avropa üzrə Regional Ofisinin Strateji Satınalmalar və Təchizat üzrə texniki mütəxəssisi Tifenn Humbert və ÜST-in təchizat zəncirləri üzrə məsləhətçisi İan Rayden Azərbaycana səfəri çərçivəsində aidiyyəti qurumların məsul şəxsləri ilə görüş keçirilib, eyni zamanda, TƏBİB-in tabeliyində olan Respublika Klinik Xəstəxanasına, Qobustan Rayon Mərkəzi Xəstəxanasına, Təklə kənd ailə sağlamlıq mərkəzinə baxış keçirilib.

Missiyanın məqsədi proqnozlaşdırma və planlaşdırma, saxlanma və ehtiyatların idarə edilməsi sahələrinə xüsusi diqqət yetirməklə dərman vasitələrinə və tibbi məhsullara artan tələbatı qarşılamaq üçün milli satınalma və təchizatın idarəolunması sistemlərinin potensialını artırmaq olub.