"Yol qəzaları travmanın ən böyük səbəblərindən biridir".

Aztibb.az xəbər verir ki, bunu Medicana Sivas Xəstəxanasının Beyin və Sinir Cərrahiyyəsi Mütəxəssisi professor Mustafa Gürelik gündəlik həyatda baş verən qəza, hadisələr zamanı onurğada meydana gələn qırıqlar, çıxıqlar və onurğa beyni zədələnmələri halında yaşana biləcək problemlər və müalicə üsulları haqqında danışarkən deyib.

O bildirib ki, xüsusilə idman edərkən əsas qaydalar laqeyd yanaşılmamalıdır.

"Travma sonrası əsasən bədənin hər hansı bölgəsində zəiflik, idarəetmə problemi, iflic, keyimə, sidik kisəsi və ya yoğun bağırsağın işinin pozulması, qolları və əlləri hərəkət etdirə bilməmə, onurğa beynində qanama nəticəsində əzələ zəifliyi, xarici qanaxma nəticəsində qol və ayaqlarda keyimə kimi şikayətlərlə özünü büruzə verir.

Onurğa travması boynun yuxarı hissəsində, bel ilə bel arasında və belin aşağı hissəsində qeydə alınır.

"Zədələnən insanın tibbi heyət gələnə qədər tərpənməməsi və ya çox mütləq olarsa 3-4 nəfər tərəfindən onurğa sütunu əyilməmək şərtilə aparıla bilər. Sınıqlar və sürüşmələr nəticəsində sümüklər arasındakı disklər qopa bilər, və ya onurğanı bir-birinə bağlayan əzələ və birləşdirici toxumalarda zədələnmə ola bilər. Belə zədələnmələr qismən və ya tamamilə iflic və ağrıya səbəb ola bilər.

İlk növbədə ciddi simptomlara səbəb olmayan onurğa xəsarətlərinin gələcəkdə keçməyən ağrı ilə müşahidə edilməsi mümkündür".