Mərkəzi Gömrük Hospitalının Tibbi laboratoriyasının həkim laborantları Naibə Əliyeva, Aynur Ştayeva və bioloqları Ceyranxanım Hacıyeva, Aygün Məmmədova 4 mart 2022-ci il tarixində Azərbaycan Tibb Universitetinin Tədris Terapevtik Klinikasının konfrans zalında keçirilən “SARS-COV-2 (COVID 19) diaqnostikasına müasir yanaşma və problmelər” mövzusunda beynəlxalq konfransda iştirak edirlər.

Tədbirdə Azərbaycan Tibb Üniversitetinin Tədris Terapevtik Klinikasının direktoru, prof. Surxay Musayev, Tədris Terapevtik Klinikanın Mərkəzi Laboratoriyasının müdiri, dos. İskender Karaltı açılış nitqi ilə, TƏBİB-in Xəstəliklərin profilaktikası və kontrolu şöbəsinin müdiri Dr. Yaqut Qarayeva “Azərbaycanda COVID-19 Laboratoriyalarının vəziyyəti” mövzusunda çıxış ediblər.

Konfransda, həmçinin Milli Hematologiya və Transfuziologiya Mərkəzi, Mərkəzi Neftçilər Xəstəxanası, Türkiye Bilimsel ve Teknolojik Araştırma Kurumu (TUBİTAK), Referans Klinikası və digər tibb müəssisələrinin yüksəkixtisaslı mütəxəssisləri SARS-CoV-2-nin strukturu və Omikron variantı, COVİD-19 xəstəliyinin diaqnostikasında seroloji testlər, COVİD-19 variant testləri, COVID-19-un diaqnostikasında kliniki müayinələr, Kliniki hal təqdimatı: fitness markerlərinin (hFwe-Lose) COVID-19 və COVID-19 testlərindəki problemləri müzakirə edəcəklər.

Beynəlxalq konfransın keçirilməsində məqsəd COVID-19-un diaqnostikasında yeniliklər və testlərin icrası zamanı qarşıya çıxan çətinliklərin araşdırılması, bu sahədə beynəlxalq təcrübənin öyrənilməsi və tətbiqidir.