İl ərzində təxminən 8 milyon uşaq ciddi anadangəlmə qüsurla doğulur. Onlardan 3 milyon qədəri 5 yaşına çatmadan həyatını itirir. Anadangəlmə qüsurlu uşaqlar həyatları boyu fiziki, əqli, eyni zamanda sosial problemlərdən əziyyət çəkirlər.

 

Ümumdünya anadangəlmə qüsurların qarşısının alınması gününün əsas məqsədi gələcək valideynlərin maarifləndirilməsidir. Belə ki, sadə qayda və vərdişlərlə nəsildə anadangəlmə qüsurların yaranma riski azaldıla bilər. Bir çox qüsurların hamiləlik öncəsi və ana bətnində profilaktikası (xəstəliyin qarşısını almaq) və müalicəsi mümkündür.

 

Aztibb.az Azərbaycan Kariologiya Cəmiyyətinə istinadla anadangəlmə qüsurlara səbəb olan, teratogen (dölün inkişafına mənfi təsir göstərən) faktorları təqdim edir: 

 

Genetik faktorlar;

Bəzi infeksiyon xəstəliklər;

Metobolik dəyişikliklər;

Zərərli vərdişlər;

Şüalanma;

Bəzi dərman maddələrinin istifadəsi;

Sosial və ekonomik faktorlar və s.

 

Dünya üzrə ən geniş yayılmış anadangəlmə qüsur anadangəlmə ürək qüsurlarıdır.