Aztibb.az xəbər verir ki, 1 mart 2022-ci il tarixdə Astara Pedaqoji kollecində tələbələr üçün “Yeniyetmələr və gənclər arasında təhlükəsiz reproduktiv sağlamlıq davranışları və sağlam həyat tərzi vərdişlərinin formalaşdırılması” mövzusunda onlayn tədbir oldu.

 

Səhiyyə Nazirliyinin İctimai Səhiyyə və İslahatlar Mərkəzinin nümayəndəsi, həkim Zümrüd Kazımova geniş təqdimatla çıxış edərək, reproduktiv sağlamlığın əsas amillərindən söz açdı, zərərli vərdişlərdən uzaq olmağın və fərdi gigiyena qaydalarına riayət etməyin vacibliyini vurğuladı. O, gənclərə ailə planlaşdırılması və müasir kontraseptiv üsullar barədə ətraflı məlumat verdi, iştirakçıları maraqlandıran sualları cavablandırdı.

 

Ailə, Qadın və Uşaq Problemləri üzrə Dövlət Komitəsinin Ailə Problemləri şöbəsinin müdir müavini Kamila Əliyeva çıxış edərək, gənclərin həyatında reproduktiv sağlamlıqla bağlı yaşanan problemlərdən, ailə planlaşdırılmasının vacibliyindən, erkən nikahların fəsadlarından bəhs etdi.

 

Yekunda iştirakçıları maraqlandıran suallar cavablandırıldı.