Nərimanov Tibb Mərkəzində Xocalı soyqırımının 30-cu ildönümünə həsr olunmuş tədbir keçirilib.

Əvvəlcə iştirakçılar tərəfindən Xocalı faciəsinin qurbanlarının və Azərbaycanın ərazi bütövlüyü uğrunda həlak olan şəhidlərimizin xatirəsi bir dəqiqəlik sükutla yad edilib. 

Tədbirdə bildirilib ki, Xocalı soyqırımı 1992-ci il fevralın 25-dən 26-na keçən gecə Ermənistan Silahlı Qüvvələri tərəfindən keçmiş SSRİ-nin 366-cı motoatıcı alayının iştirakı ilə Xocalı şəhərini işğal edərkən, etnik azərbaycanlılara qarşı baş vermiş soyqırımdır.

Qeyd olunub ki, Xocalı Ermənistan dəstələri tərəfindən zəbt olunduqdan sonra şəhərdə qalan mülki əhali girov götürülüb.