Aztibb.az xəbər verir ki, Azərbaycan Tibb Universitetinin (ATU) Tədris Terapevtik Klinikasının direktoru, professor Surxay Musayev, müalicə işləri üzrə direktor müavini Fəridə Hacıyevanın, reanimatologiya şöbəsinin müdiri Aliyar Sultanov və həkim-rezidentlərinin iştirakı ilə “Arterial qan qazlarının analizi” mövzusunda seminar keçirilib.

Seminarda çıxış edən klinikanın reanimatologiya şöbəsinin həkimi, anesteziologiya və reanimatologiya kafedrasının assistenti, tibb üzrə fəlsəfə doktoru Vüsalə Mirzəyeva qan qazlarının əhəmiyyəti, düzgün interpretasiyası və sistematik oxunması barədə məlumat verib.

 

V.Mirzəyeva, həmçinin arterial qan qazlarını hansı xəstədən, nə zaman və necə götürülməli, əks göstərişləri, fəsadları barədə, necə düzgün interpretasiya edib sadəcə qan qazı üzərindən düzgün diaqnoz qoyulmaq imkanları barədə fikirlərini bölüşüb.

 

Geniş müzakirə şəraitində keçən seminarda rezidentlər qarşılaşdıqları situasiyalarla bağlı öz rəylərini və fikirlərini bölüşüb, onları maraqlandıran suallara aydınlıq gətirilib.