Aztibb.az xəbər verir ki, əvvəlcə Respublika Perinatal Mərkəzinin direktoru v.i.e. Məryəm Rzayeva, Səhiyyə Nazirliyinin baş neonatoloqu Rüstəm Hüseynov və Elmi-Tədqiqat Pediatriya İnsitutunun direktoru, t.ü.f.d. Allahverdi Musayev çıxış edərək tədbirin əhəmiyyətini vurğulayıblar.

 

Seminar Akad. Zərifə Əliyeva adına Milli Oftalmologiya Mərkəzinin (MOM) Elmi-məlumat, tədris və təşkilati-metodik bölməsinin rəhbəri, AOC-un sədr müavini, t.ü.f.d. Yazgül Abdıyevanın moderatorluğu ilə keçirilib.

 

Tədbirdə t.ü.f.d. Yagzül Abdıyeva “Akad. Zərifə Əliyeva adına Milli Oftalmologiya Mərkəzində keçirilən müayinələr” mövzusunda məruzə ilə çıxış edib.

 

Daha sonra Yenidoğulmuşların reanimasiya bölməsinin müdiri Könül Məmmədovanın “Vaxtından əvvəl doğulmuşlarda oftolmoloji müayinənin əhəmiyyəti”, həmin bölmənin neonatoloqu Zeynəb Əliyevanın “Risk qrupuna daxil olan hamilələrdən doğulan uşaqlarda retinopatiya riski”, akad. Zərifə Əliyeva adına MOM-dan Aysel Əkbərovanın “Yenidoğulmuşlarda göz patologiyası”, Elmi-Tədqiqat Pediatriya İnstitutunun həkim-oftalmoloqu Nərmin Əbilovanın “Neonatal dövrün xəstəlikləri”, Respublika Perinatal Mərkəzinin nevropatoloqu Ülkər Mürsəlovanın “Yenidoğulmuşlarda göz patalogiyası əmələ gətirən irsi nevroloji xəstəliklər (leber amavrozu, taySACHS xəstəliyi)” və Respublika Perinatal Mərkəzinin nevropatoloqu Mehriban Məmmədovanın “Konovalov Vilson xəstəliyi (Hepatolentikulyar degenerasiya)” adlı məruzələri dinlənilib.

 

Sonda məruzələr ətrafında müzakirələr aparılıb, suallar cavablandırılıb və təkliflər səsləndirilib.