Yeni Azərbaycan Partiyası Nərimanov rayon təşkilatının Fətəli Xan Xoyski 101 (Nərimanov Tibb Mərkəzi) ünvanlı Ərazi Partiya Təşkilatında hesabat-seçki yığıncağı keçirilib.

 

Tədbirdə YAP Nərimanov rayon təşkilatının sədri Samir Vəliyev, Nərimanov Tibb Mərkəzinin direktoru Fazil Alməmmədov, YAP Nərimanov rayon təşkilatının əməkdaşları və Ərazi Partiya Təşkilatının üzvləri iştirak ediblər.

 

Əvvəlcə Nərimanov Tibb Mərkəzinin direktoru Fazil Alməmmədov çıxış edərək Nərimanov rayon ərazisində bir neçə tibb müəssisəsinin birləşməsi səbəbindən yeni struktur formalaşması ilə bağlı Fətəli Xan Xoyski 101 (Nərimanov Tibb Mərkəzi) ünvanlı Ərazi Partiya Təşkilatında hesabat-seçki yığıncağının yenidən keçirilməsi zərurətinin yarandığını bildirib.

 

Hesabat-seçki iclasının sədr və katibi təyin edildikdən sonra, gündəlikdə duran məsələlər barədə məlumat verilib. Bildirilib ki, hesabat-seçki yığıncağının gündəliyində iki məsələ - ərazi partiya təşkilatı sədrinin partiyanın ötən müddət ərzində fəaliyyətinə dair hesabat məruzəsinin dinlənilməsi, həmçinin yeni sədr və sədr müavininin seçilməsi məsələləri durur.

 

Yığıncaqda partiya üzvlərinin yekdil qərarı ilə Nərimanov Tibb Mərkəzinin direktoru Fazil Alməmmədov yenidən Fətəli Xan Xoyski 101 (Nərimanov Tibb Mərkəzi) ünvanlı Ərazi Partiya Təşkilatının sədri, Sevinc Nəzərova isə sədr müavini seçiliblər. 

 

Sonda YAP Nərimanov rayon təşkilatının sədri Samir Vəliyev çıxış edərək əsası ulu öndər Heydər Əliyev tərəfindən qoyulan və hazırda Prezident İlham Əliyev tərəfindən rəhbərlik edilən Yeni Azərbaycan Partiyasının bu gün ölkədə ən nüfuzlu siyasi qurum olduğunu diqqətə çatdırıb. O, partiyanın VII Qurultayından bəhs edib, yeni Nizamnamə və proqramın qəbul edilməsi, eləcə də struktur dəyişiklikləri barədə ətraflı məlumat verib. Samir Vəliyev rayon təşkilatı tərəfindən görülən işlər və qarşıda duran vəzifələrdən danışıb, ərazi partiya təşkilatının daha sistemli və keyfiyyətli fəaliyyət göstərməsi istiqamətində yeni heyətə müvafiq tapşırıq və tövsiyələrini verib.