TƏBİB və UNİCEF-in əməkdaşlığı çərçivəsində Bakı şəhəri üzrə Respublika Perinatal Mərkəzi, 7 nömrəli doğum evi və Quba Perinatal Mərkəzində 20 nəfərlik qruplar üçün üç günlük “Ana südü ilə uğurlu qidalandırmaya doğru on addım” adlı növbəti təlimlər baş tutub.
Aztibb.az xəbər verir ki, məqsəd "Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı"na uyğun olaraq yenidoğulmuşlara tibbi xidmət göstərən müəssisələrdə ana südü ilə qidalandırmanın mühafizəsi, təşviqi və dəstəklənməsi olub.
Təlimlərdə TƏBİB-in Tibbi fəaliyyətin təşkili departamentinin Ana və uşaq sağlamlığının təşkili şöbəsinin məsləhətçisi Şəbnəm Şahgəldiyeva və K.Y.Fərəcova adına ETPİ-nin həkimləri təlimçi qismində iştirak edib.
Layihə çərçivəsində körpələri ana südü ilə qidalandırmağın üstünlükləri izah edilib.