Elmi-Tədqiqat Pediatriya İnstitutuna tənəffüs pozğunluğu sindromu, qida borusunun atreziyası diaqnozu ilə körpə çatdırılıb. Doğulduğu xəstəxanada diaqnozu bilinmədiyindən o, qidalandırılıb və vəziyyəti daha da ağırlaşıb. Körpə iki gün süni tənəffüs aparatında qalıb.

Bu barədə Aztibb.az-a Elmi-Tədqiqat Pediatriya İnstitutundan məlumat verilib.

Bildirilib ki, reanimasiyada əməliyyat önü hazırlıqdan sonra körpə dərhal əməliyyata alınıb və əməliyyat uğurla icra olunub. Reanimatoloqların peşəkarlığı və səyi nəticəsində körpənin vəziyyəti yaxşılaşıb.

Müalicə həkimi Lamiyə Fərzəliyeva və cərrah əməyi nəticəsındə uşaq sağalaraq evə yola salınıb.