Aztibb.az xəbər verir ki, S.Dadaşov konfransda “Dərin damarların trombozu və pulmonar emboliya zamanı antikoaqulyasiya” adlı məruzə ilə çıxış edib. Dərin damarların trombozu barədə ətraflı məlumat verən damar cərrahı trombozların növləri, əlamətləri, risk faktorları, irsi və qazanılmış tromboflibiya haqqında ətraflı danışıb.

 

O, çıxışında xəstəliyin risk faktorları arasında daha çox kəskin xəstəliklərin, cərrahi əməliyyatların, travmaların, hərəkətsizliyin, hormonal terapiyanın, onkoloji xəstəliklərin və s. olduğunu qeyd edib. Həmçinin xəstəliyin müalicəsi üçün ən son beynəlxalq protokollara uyğun antikoaqulyant seçimi ilə bağlı tövsiyələrini verib.

 

Konfransda Azərbaycanın və Rusiyanın qabaqcıl tibb müəssisələrinin yüksəkixtisaslı həkimləri, tibb bacıları, rezident-həkimlər və tələbələr iştirak ediblər. Tədbir başa çatdıqdan sonra konfrans iştirakçılarına 15 DTT kredit balı ilə sertifikatlar təqdim edilib.