Aztibb.az xəbər verir ki, Azərbaycan Tibb Universitetinin (ATU) Tədris Terapevtik Klinikasında stasionar şöbələrin illik hesabatına dair toplantı keçirilib. Tədbirdə giriş sözü ilə çıxış edən klinikanın direktoru, professor Surxay Musayev təhsil-tədris prosesinin həyata keçirilməsi, klinikada görülən işlər barədə əməkdaşlara məlumat verib.

 

Sonra klinikanın Revmatologiya-Qastroenterologiya, Pulmonologiya-Allerqologiya və Hematologiya şöbələrinin illik hesabatları dinlənilib.

 

İlk öncə Revmatologiya-Qastroenterologiya şöbəsinin müdiri, professor Sahib Musayev şöbənin illik hesabatını təqdim edib.

 

Pulmonologiya-Allerqologiya şöbəsinin assistenti Şərəf Hüseynova və Hematologiya şöbəsinin həkimi Ələmdar Cəfərov isə şöbələrin illik hesabatı ilə çıxış ediblər. Hesabatda şöbələrdə il ərzində ambulator və stasionar xəstə qəbulu, şöbələrin tibbi fəaliyyəti və görülən işlər barədə ətraflı məlumat verilib.

 

Prof. Surxay Musayev ümumilikdə şöbələrin hesabatlarını qənaətbəxş hesab etsə də, hələ də əmək intizamının zəif olması və bəzi məsələləri klinika əməkdaşlarının diqqətinə çatdırdı. Qeyd olundu ki, xəstə cəlb olunması istiqamətində mühüm addımlar atılmalı, seminatlar, tədbirlər və.s keçirilməlidir.

 

Toplantının sonunda əməkdaşların sualları cavablandırılıb, bəzi məsələlərin həlli ilə bağlı tapşırıqlar verilib.