ABŞ-ın Stenford Universitetinin Tibbi fakültəsinin yeni tədqiqatı kişilərin və qadınların beyninin fərqli işlədiyinə dair fərziyyəni qismən təsdiq edir.

popmech.ru saytı xəbər verir ki, alimlər bir cinsdə digərindən daha aktiv olan 1000 gen aşkar ediblər.

Yeni tədqiqat çərçivəsində alimlər kişi və qadın cinsinə mənsub siçanların beyinlərindəki fərqləri öyrəniblər. Onlar qiymətləndirilmə, tanışlıq, cütləşmə və nifrət davranışını proqramlaşdıran sahələri tədqiq ediblər.

Alimlər gəmiricilərin beyninin strukturlarından çıxardılmış nümunələri təhlil edərək digər cinsin nümayəndələri ilə müqayisədə, həmcins nümayəndələrin beynində əhəmiyyətli dərəcədə daha aktiv olan 1000-dən çox gen müəyyən ediblər.

“Bu genləri giriş nöqtələri kimi istifadə edərək, beyin hüceyrələrinin cins üçün xarakterik olan müəyyən davranışı idarə edən konkret qruplarını müəyyən etdik”, - deyə  tədqiqatının müəllifi, psixiatriya və davranış elmləri və neyrobiologiyası üzrə professor Nirao Şah bildirib.