Marşall Universitetində aparılan tədqiqat göstərib ki, iki həftə ərzində gündə 2 unsiya (60 qram) qozun istehlakı süd vəzi xərçənginin artımını yavaşladıb və ya bu xəstəliyin inkişaf riskini azaldıb.

Aztibb.az bu barədə“MedikForum”a istinadən xəbər verir.

Bildirilir ki, qozun tərkibində maddələr mübadiləsi prosesində orqanizmdə urolitinlərə çevrilən pedunkulaqin adlı maddə var. Urolitinlər estrogen reseptorları ilə əlaqəli olan və süd vəzisi xərçənginin qarşısının alınmasında rol oynaya bilən birləşmələrdir.

Həmçinin aşkar edilib ki, qozun qəbulu aşağı sıxlıqlı lipoproteinlərinin - “pis xolesterin” səviyyəsini 16 faizə qədər azaldır, diastolik arterial təzyiqi 2–3 millimetr civə sütunu aşağı salır və oksidləşdirici stresi və iltihabı azaldır.

Oksidləşdirici stres azad radikallar adlanan qeyri-sabit molekulların orqanizmdə hüceyrələrin zədələnməsinə səbəb olduğu prosesi təsvir edir.