Həkim bildirib ki, hazırda açıq ürək əməliyyatları ən çox Koronor Bypass adı verilən və ürəyi qidalandıran damarların tıxanması, daralması müşaiyət olunan xəstələrə tətbiq olunur. Ürək damarlarının ciddi şəkildə tıxandığı və daraldığı vəziyyətlər həyati risk daşıdığı üçün mütləq açılmalıdır.

 

Onun sözlərinə görə, döş sümüyü kəsilmədən kiçik kəsiklə icra olunan açıq ürək əməliyyatları hazırda geniş tətbiq edilməkdədir. Kiçik kəsiklə ürək əməliyyatı zamanı toxumaya daha az zədə dəydiyinə görə ağrı da azalmış olur.

 

"Mini invaziv ürək əməliyyatları estetik baxımdan daha üstündür", - deyə bildirən C.Gülmalıyev qeyd edib ki, bu üsulla xəstələr çox az ağrı hiss edir, əməliyyatdan sonra 5-ci gündə sosial həyatına qayıda bilirlər. Əməliyyat zamanı qanaxma riski daha az olur.

 

Həkim əlavə edib ki, xəstə qısa müddətdə normal həyata qayıtdığı üçün ağciyər problemləri aradan qalxır, daha az müddət Reanimasiya şöbəsində qalır. Kəsik kiçik olduğu üçün infeksiya riski xeyli azalır, qan itkisi də az olur. Həmçinin qan köçürülmə ehtimalı və antibiotiklərdən istifadəsi azalır. İlk gündən pasiyent yatarkən sağa-sola dönə bilir.