“Baku Marriott Boulevard Hotel”də nadir uşaq xəstəliklərindən olan “I tip Tirozinemiya”ya dair elmi-praktik konfrans keçirilib.
Tədbiri giriş nitqi ilə Elmi-Tədqiqat Pediatriya İnstitutunun direktoru, t.ü.f.d. Allahverdi Musayev açaraq konfransın əhəmiyyətini vurğulayıb. Bildirib ki, elmi-praktik tədbirin məqsədi uşaqlarda rast gəlinən nadir xəstəliklərlə mübarizə ilə bağlı məsələlərə ictimaiyyətin diqqətini artırmaq və bununla əlaqədar əhalini məlumatlandırmaqdır. A.Musayev mütəxəssislərin məruzələrinin və aparılacaq müzakirələrin Tirozinemiyanın inkişafına töhfə verəcəyini söyləyib.
Daha sonra Elmi-Tədqiqat Pediatriya İnstitutunun pediatrı, uzman həkim Raminə Rzayeva “Nə zaman metabolik xəstəlik düşünək?” və “Tirozinemiya” və uşaq qastroenteroloqu uzmanı Anar Tağıyev “Uşaqlarda 1-ci tip irsi Tirozinemiya xəstəliyi, kliniki hallar təqdimatı” mövzusunda məruzələrlə çıxış ediblər.
Məruzəçilər “I tip Tirozinemiya” xəstəliyi ilə bağlı elmi araşdırmaları, həmçinin digər mühüm məlumatları iştirakçıların diqqətinə çatdırıblar.
Sonda mövzu ətrafında müzakirələr aparılıb, suallar cavablandırılıb.