Hər 6-7 insandan birinin böyrək xəstəsi olduğu və 5 ildən sonra bu göstəricinin daha çox olacağı söylənilir. Amma gündəlik riayət edə biləcəyimiz qaydalar və sağlam həyat tərzi ilə böyrəklərimizi bir çox xəstəliklərdən və ağırlaşmalardan qoruya bilərik.

 

Həkim bildirib ki, böyrəklər orqanizmdə filtr (zəhərli maddələri süzmə) işini yerinə yetirir. Ürək hər döyündüyündə orqanizmdəki qanın 20-25 % ni hər iki böyrəyə göndərir. Bir insanın qan həcminin 5-6 litr olması və ürəyin dəqiqədə 70-80 dəfə vurması (döyüntüsü) nəticəsində böyrəklər gündə 200 litr qan süzür. Böyrəklər bu süzmə prossesi zamanı orqanizmə lazım olan proteini saxlayır, kreatinin və bunun kimi zəhərli maddələrin ifrazını təmin edir.

 

Onun sözlərinə görə, təmizlənən qan sistemə qayıtdığı zaman zəhərli maddələr sidik kanalları ilə sidik kisəsinə göndərilir və ifraz olunur. Çox çalışqan olan bu orqanlar 15 %-i işlədiyi vaxta qədər öz funksiyalarını yerinə yetirməyə çalışır. Bu səbəbdən də böyrək xəstəlikləri çox gec dönəmdə (artıq ağırlaşmış formada) özünü biruzə verir: "Çünki, vücudumuzda ən dözümlü orqanlarımızdan biri böyrəklərimizdir".