İngilis Ürək Fondunun mütəxəssisləri ürək xəstəliklərində qeyri-adi simptomlarla qarşılaşıla biləcəyi ilə bağlı xəbərdarlıq edib.

Aztibb.az Medikforum.ru-ya istinadən xəbər verir ki, ürək xəstəliyi - ürək əzələsinin hər hansı bir xəstəliyidir. Ürəklə yanaşı qan damarları və qan dövranı problemləri ilə xarakterizə olunan ürək-damar xəstəliklərindən fərqli olaraq, ürək xəstəliyi orqanın özündə deformasiyalar meydana gətirir.

Həmən simptomları təqdim edirik:

Diş ağrısı. Ürək xəstəliyi bəzən beyindən ürək və ağciyər daxil olmaqla bədənin müxtəlif orqanlarına keçən vagus sinirinin yerləşməsi səbəbindən diş ağrısı ilə müşayiət edilir. Bəzi hallarda bu ağrı infarkt əlaməti də ola bilər.

Şişkinlik. Toxumalarda mayenin tutulması, ayaqlarda və qarında şişkinlik ürək çatışmazlığı əlamətləri ola bilər. 

Ürək bulanması. Amerika Ürək Assosiasiyasına görə, ürək bulanması daha çox qadınlarda rast gəlinən infarkt xəbərdaredici əlamət ola bilər.

Qarın ağrısı. Xəstələr infarkt ağrısını qarın ağrısı kimi izah edir. Bu ağrı bir neçə dəqiqədən çox davam edir.

Tərləmə. Bir adam tərləməyə başlayırsa, sinə, qol, boyun və ya çənədə narahatlıq hiss edərsə, bu, ürək xəstəliyinə işarə edə bilər.

Yoğun boyun. Adətən bel ölçüsü ürək xəstəliyi riski ilə əlaqələndirilir, lakin mütəxəssislər boynun ölçüsünün də vacib olduğunu qeyd edib. Həkimlər xəbərdarlıq edir ki, boynun kişilərdə 16 düymə (40,64sm) və ya daha çox, qadınlarda isə 13 düymə (33,02sm) və ya daha çox olması yüksək qan təzyiqi, yüksək trigliseridlər və aşağı xolesterol ehtimalını göstərə bilər.

Erektil disfunksiya. Ürək xəstəliyi tez-tez arteriyalarda xolesterol lövhələrinin yığılması ilə müşayiət olunur. Sağlam qan dövranını pozaraq, kişilərdə potensial problemlərə də kömək edir.