Döş xərçənginin diaqnozu üçün yeni dərman: İstifadəyə verilməsi planlaşdırılır
14.01.2022 15:54
Rusiyalı alimlərin apardığı texnetium-99 izotoplu radiofarmasevtik preparatın klinik sınaqlarının birinci mərhələsi uğurla başa çatıb.
 
Aztibb.az xəbər veri ki, alimlər süd vəzi xərçənginin diaqnozu üçün yeni dərmanın təhlükəsizliyini sübut ediblər.
 
Dərman Tomsk Politexnik Universitetinin alimləri və Tomsk Milli Tədqiqat Tibb Mərkəzinin mütəxəssisləri ilə birlikdə hazırlanıb.
 
Sınaqların nəticəsi dərmanın döş xərçəngini dəqiq aşkarladığını göstərib.Tədqiqatçıların fikrincə, onun istifadəsi xəstələrin müayinə müddətini bir neçə gündən bir neçə saata qədər azaldacaq.
 
Alimlər xərçəngin aşkarlanması və müalicəsi üçün yerli yüksək effektiv dərmanların bütün seriyasını yaratmağı, həmçinin onları real istifadəyə verməyi planlaşdırırlar.