“Elm və tədqiqatlarda mobilliyin gələcəyi” adlı onlayn seminar keçirilib
14.01.2022 12:22
Almaniyanın “Lemmens - Bildung, Forschung, Technologie” Elmi-Tədqiqatların Kommunikasiya Mərkəzinin təşkilatçılığı ilə “Elm və tədqiqatlarda mobilliyin gələcəyi” mövzusunda onlayn seminar keçirilib.
 
Tədbirdə Alman Akademik Mübadilə Xidmətinin (DAAD) rəhbəri Kai Sicks, Volksvagen Təqaüd Proqramının rəhbəri Dr. Georg Schütte, Zurich Universitetinin İnkişaf Ofisinin direktoru, prof. Hans-Dieter Daniel, “Universitet Tədrisində İnnovasiyalar Fondunun” icraçı direktoru, prof. Cornelia Raue, ”Alexander von Humboldt-Stiftung” un rəhbəri, prof. Enno Auderheide məruzələrlə çıxş ediblər. Məruzəçilər inkişaf etməkdə olan ölkələrdə elmi-tədqiqatların aparılmasına dəstək məqsədilə beynəlxalq şəbəkənin vacibliyini qeyd ediblər.
 
Seminarda çıxış edən TƏBİB-in Davamlı tibbi təhsil və tibbi təlimlər şöbəsinin müdiri, t.e.d. Emil İskəndərov Azərbaycanda səhiyyə sahəsində olan yeniliklərdən bəhs edib. O, əhaliyə göstərilən tibbi xidmətin keyfiyyətinin yüksəldilməsi istiqamətində yeni innovativ ideyaların mənimsənilməsinin əhəmiyyətini qeyd edib.
 
Sonda həyata keçirilməsi nəzərdə tutulan pilot layihələr barədə müzakirələr aparılıb.