Dövlət Gömrük Komitəsinin Tibbi Xidmət İdarəsində Dünya Tibbi Hüquq Assosiasiyasının birinci vitse-prezidenti, professor Vüqar Məmmədovla görüş keçirilib.

 

Görüşdə Tibbi Xidmət İdarəsinin rəis müavinləri - t.f.d., dosent İsmayıl Əfəndiyev və Dr. Şahlar Mirqasım, Mərkəzi Gömrük Hospitalının baş həkiminin müavini Rəna Qasımova, eləcə də Elmi-Təcrübi və Tədris Mərkəzinin mütəxəssisi Azad Əhmədov iştirak ediblər.

 

Tədbirin keçirilməsində məqsəd Dövlət Gömrük Komitəsi Tibbi Xidmət İdarəsinin tərkibində olan qurumların yanında Etik Komitənin təşkili ilə bağlı məsələlərin müzakirəsi olub.

 

Prof. Vüqar Məmmədov bioetik komitələrin yaradılmasının əhəmiyyəti, onların məqsəd və vəzifələri, strukturu, fəaliyyət prinsipləri və bu sahədə mövcud olan dünya praktikası haqqında ətraflı məlumat verib. O, həmçinin bioetik komitələrin işi ilə əlaqədar təcrübəsini görüş iştirakçıları ilə bölüşüb, bu komitələrin fəaliyyəti ilə bağlı Azərbaycandakı mövcud durumdan danışıb.

 

Sonda mövzu ətrafında geniş fikir mübadiləsi aparılıb, bu sahədə görüləcək ilkin işlərə dair razılığa gəlinib.