Gəncə şəhər Birləşmiş Xəstəxanasında tibb müəssisələrinin rəhbərlərinin və işçilərinin iştirakı ilə toplantı keçirilib.

Aztibb.az xəbər verir ki, görüşdə Prezident İlham Əliyevin uğurlu fəaliyyətindən, Azərbaycanın Zəfər tarixindən bəhs olunub.

Tədbir çərçivəsində, həmçinin “44 günlük Zəfər tarixinin Gəncə şəhidləri” adlı kitabın təqdimatı keçirilib.

Bildirilib ki, yeni nəşrdə Ali Baş Komandan İlham Əliyevin 44 günlük Vətən müharibəsi dövründə torpaqlarımızın düşmən tapdağından azad olunması uğrunda döyüşlərdə şəhid olmuş şəxslər haqqında verdiyi Fərman və Sərəncamlar, eləcə də Vətən müharibəsi şəhidlərimizin və Gəncəyə raket hücumu zamanı həlak olan mülki şəxslərin məlumatları əksini tapıb.