Bakı Sağlamlıq Mərkəzində "Travmatologiya və ortopediya" mövzusunda konfrans keçirilib.
Tədbiri giriş sözü ilə Mərkəzin baş həkimi Elxan Hacıyev açaraq ölkəmizdə son zamanlar səhiyyə sisteminin idarə edilməsinin təkmilləşdirilməsinə, tibbi müəssisələrin maddi-texniki bazasının genişləndirilməsinə, yeni tibbi texnologiyaların tətbiqinə yönəlmiş tədbirlərin həyata keçirildiyini bildirib. O, konfransın işinə uğurlar arzulayıb.
Mərkəzin ortoped-travmatoloqu Elviz Qasımovun moderatorluq etdiyi tədbirdə ortoped-travmatoloq Sənan Aşirov "Travmatologiya və ortopediya" mövzusundan məruzə ilə çıxış edib. Məruzəçi travmatologiya və ortopediyanın aktual problemləri, travmatologiya və ortopediyada innovativ texnologiyalar barədə məlumat verib.
Mövzu ətrafında geniş müzakirələr aparılıb, suallar cavablandırılıb.