Böyük Britaniyalı tədqiqatçılar Omikron variantı ilə bağlı yeni bir simptomun olduğunu açıqlayıblar.

Aztibb.az xəbər verir ki, digər variantından daha yumşaq olduğu güman edilən Omikron variantında qeyd olunan simptom əl və ayaqlarda qaşınmadır.

Britaniyalı müxbir Malvika Padinin xəbərinə görə, araşdırma qrupuna daxil olan şikayətlər arasında yer alan bu dəri xəstəliyinin əllərdə, dirsək, diz və ayaqlarda meydana gəldiyi qeyd edilib. Qabıqlanma və səpgi kimi iki cür görülən bu dəri vəziyyətinin Omikron variantına sahib olanlarda ciddi şəkildə müşahidə edildiyi ifadə edilib. Hesabata görə, bu koronavirus infeksiyasının dördüncü əsas əlaməti olaraq xarakterizə edilir.

Mütəxəssislər bildirirlər ki, səpgi tez keçib getməyə meyllidir, günlərlə və ya həftələrlə davam edə bilər. Xəstəliyin əlaməti xüsusilə ovuc içi və ayaq altı bölgələrdə görülməkdədir.