Mərkəzi Gömrük Hospitalının uzman otorinolarinqoloqu Aynur Vəliyeva "Facebook" sosial şəbəkəsində “Yay mövsümündə uşaqların qulaqlarını iltihablaşmadan necə qoruyaq?” sualını cavablandırıb.
Həkim bildirib ki, dəniz və hovuz suları uşaqlarda qulaq xəstəliklərinə səbəb olur. Qulağa su düşdüyü zaman qulaqda olan kir şişir və qulaqda nəmlik və doluluq hissinin yaradır. Bu vəziyyət uzun müddət davam edərsə, iltihablaşmaya səbəb ola bilər. Belə halların yaranmasının qarşısını almaq üçün dəniz və hovuz mövsümündən əvvəl mütləq şəkildə müayinə üçün otorinolarinqoloqa müraciət olunmalıdır.
Onun sözlərinə görə, bakteriya və göbələklər ən çox hovuz sularında artır və infeksiyaya səbəb olur. Belə sularda istifadə olunan xlorlu antiseptik maddələr allergiyası olan uşaqlarda yevstax borusunda ödəm yaradır. Bu ödəm isə orta dərəcəli qulaq iltihablaşmasına səbəb olur. Bu halda medikal müalicə edilməlidir. Qulaq pərdəsi dəlik olan və parasentez boru qoyulmuş uşaqlar qulaq tıxacları olmadan dənizə girməsi tövsiyə olunmur:
"Qulaq tıxaclarının taxılması yalnız qulaq pərdəsi dəlik olan insanlara tövsiyə olunur. Əks təqdirdə hava sirkulyasiyası təzyiq fərqi yaratdığı üçün qulaq pərdəsinin deşilməsinə səbəb ola bilər. Qulaq iltihabı xəstəliyinin əlamətlərinə çənə hərəkətləri zamanı qulaqda ağrı və qaşıntı hissi, sarı-yaşıl axıntının olması, qulaqda doluluq hissi, eşitmə azlığı aiddir. Qulaq xəstəliyi olduğu halda qulaqları quru saxlamaq, qulaq tıxaclarından uzunmüddətli istifadə olunmamalıdır.
Qulaqlar üçün uyğun mühit Ph 7.2-7.6 arasında olmalıdır. Qulağa su düşdüyü zaman başı yana çevirərək təmiz bezlə qurulamaq lazımdır. Saç fenini 50-60 sm məsafədən qulağa tutaraq qurutmaq lazımdır. İltihablı axıntı olduğu zaman otorinolarinqoloqa müraciət etmək tövsiyə olunur".
_191.jpg "İnfarktdan sonra ürəyi zədələnmələrdən qorumağın yolu tapılıb")
_39.jpg "Bakı və Sumqayıtda qripə qarşı peyvəndləmə başlayıb")
