TƏDQİQAT: Evli cütlüklərin infarkt riski daha azdır

TƏDQİQAT: Evli cütlüklərin infarkt riski daha azdır

28.12.2021 14:59

Evliliyin ürək-damar sağlamlığına təsiri ilə bağlı tədqiqat aparılıb.

Aztibb.az xəbər verir ki, ürək-damar xəstəliyi diaqnozu qoyulan və ya ürək-damar xəstəliyi riski yüksək olan, orta yaşı 63 olan 6051 xəstə ilə aparılan bu araşdırmada xəstələr orta hesabla 4 il izlənilib.

Evli olmayan qrup (heç vaxt evlənməmiş, boşanmamış və ya dul qalmış) cəmi 3256 xəstədən ibarət olub. Araşdırmanın nəticələrinə görə evli olmayan cütlüklərin, kişi və qadın arasında heç bir fərq olmadan ürək-damar xəstəlikləri və infarktdan ölüm riskinin 52% daha çox olduğu göstərilib.

Boşanmış fərdlərlə bağlı araşdırmanın nəticələri isə belə qiymətləndirilib ki, bu fərdlərdə emosional və maddi stress yarada biləcək əhəmiyyətli bir həyat dəyişikliyi baş verdiyi üçün və boşanmış fərdlərin ürək xəstəlikləri və infarkt riski evil olmayanlarla müqayisədə daha yüksəkdir.

Bundan əlavə, araşdırmalar boşanmadan sonra artan riskin yenidən evlənmə ilə azaldığını göstərir. Bu onu deməyə əsas verir ki, boşanma ilə bağlı yaranan ani emosional və maddi sıxıntıdan daha çox boşanmış qalmağın uzunmüddətli təsirləri daha zərərli ola bilər.

Bəs niyə evliliyin ürək sağlamlığına müsbət təsiri var?

Tədqiqat göstərir ki, evli fərdlər subaylara nisbətən daha çox sosial nizamlı bir həyat tərzi keçirirlər. Evli olmayan şəxslər üçün digər risk faktoru sosial dəstəyin olmaması və nəticədə motivasiyanın itirilməsidir. Motivasiyanın itirilməsi həyata keçirilməli olan müsbət həyat tərzi dəyişikliklərinə əməl edilməməsi ilə nəticələnə bilər. Digər tərəfdən, araşdırmalar göstərdi ki, infarkt keçirmiş subay bir şəxs üçün sağlamlıq xidmətlərinə çatmaqda gecikmələr var. Bütün bu səbəblər evliliyin ürək sağlamlığına nə üçün müsbət təsir etdiyini izah edir.

Nəticə etibarı ilə deyə bilərik ki, evli olmaq, xoşbəxt evliliyi saxlamaq və boşandıqdan sonra yenidən evlənmək ürək-damar xəstəlikləri riskini azaldır. Ürək-damar sağlamlığı üçün sosial varlıq olan insanların sağlam, xoşbəxt və təhlükəsiz əlaqələr qurması vacibdir.