Aztibb.az xəbər verir ki, konfrans çərçivəsində Bakı, Aktau, Nur-Sultan, Almatı, Taldıkorqan, Moskva, Minsk kimi İnteqrasiya edilmiş OR1 şəhərlərindən əməliyyatların canlı yayımı həyata keçirilib. Cərrahlar, ginekoloqlar canlı yayımda öz təcrübələrini bölüşərək, inteqrasiya olunmuş əməliyyat otaqlarında işləməyin imkanları və üstünlükləri barədə danışıblar.

 

Konfransda Azərbaycanı Respublika Diaqnostika Mərkəzinin cərrahiyyə şöbəsinin rəhbəri, ümumi cərrah İlqar İsmayılov təmsil edib.

 

Canlı yayımda bağırsaq keçməzliyi şikayəti ilə müraciət etmiş xəstəyə Laparoskopik Düz Bağırsaq Rezeksiyası icra edilib.

 

Fərqli və daha müasir üsul tədbiq edilərək (öncə endoskopik stentləmə, daha sonra planlı əməliyyat) kolostoma çıxarılmadan, bir mərhələli və minimal invaziv planlı əməliyyat olunub.