Milli Məclisin Səhiyyə Komitəsinin sədr müavini, Dövlət Gömrük Komitəsinin Tibbi Xidmət İdarəsinin Elmi-Təcrübi və Tədris Mərkəzinin rəisi, tibb elmləri doktoru Rəşad Mahmudov 18-21 dekabr 20201-ci il tarixlərində İstanbulda  keçirilən "Azərbaycan-Türkiyə Kistoz Fibroz Forumu"unda iştirak edib.

Tədbirdə ölkəmizin Səhiyyə Nazirliyi və TƏBİB-in tərkibindəki institutların, Gömrük Komitəsinin Tibb İdarəsinin, Azərbaycan və eləcə də Türkiyə Kistoz Fibroz İctimai Birliklərinin nümayəndələri və sədrləri, Marmara Universitetinin professorları, elm xadimləri və ekspertlər iştirak ediblər.

İki gün davam edən forumda Azərbaycan və Türkiyədə, eləcə də dünyada kistoz fibrozdan əziyyət çəkən uşaqların taleyi ilə əlaqədar problemlər və gələcək perspektivlər haqqında geniş fikir mübadiləsi aparılıb.

Əsas məqsəd ölkəmizdə bu problemdən əziyyət çəkən uşaqların gələcək taleyinin həllində qanunvericiliklə yanaşı, icra strukturlarının iş prinsiplərinin təkmilləşdirilməsi ilə bağlı beynəlxalq təcrübəyə əsaslanan planın hazırlanmasının müzakirəsi olub.