Yaponiya hökumətinin təşəbbüsü və BMT-nin İqlim Dəyişmələri üzrə Çərçivə Konvensiyasının katibliyinin dəstəyi ilə koronavirus pandemiyası və iqlim dəyişmələri ilə bağlı qlobal böhranların əlaqələndirilməsi üzrə yaradılan beynəlxalq onlayn platformanın açılışı olub.

Aztibb.az xəbər verir ki, tədbirdə 81 ölkənin ekologiya və ətraf mühit nazirləri, həmçinin iqlim dəyişmələri sahəsində fəaliyyət göstərən beynəlxalq təşkilatların nümayəndələri iştirak ediblər.

Görüşdə Azərbaycan Respublikasını Ekologiya və Təbii Sərvətlər naziri Muxtar Babayev təmsil edib. O, çıxışında Azərbaycan Respublikasının COVID-19-a qarşı mübarizədə qlobal həmrəyliyin nümunəsi kimi Ümumdünya Səhiyyə Təşkilatına könüllü ianə ayırdığını, 30-dan çox dövlətə humanitar yardımların göstərildiyini bildirib. 

Qeyd edək ki, dünya ölkələrini birləşdirən yeni platformanın yaradılmasında məqsəd iqlim dəyişmələri və COVID-19 pandemiyası ilə əlaqədar böhranların aradan qaldırılması üçün beynəlxalq həmrəyliyin təşviq edilməsi, eləcə də bu sahədə beynəlxalq əməkdaşlığın gücləndirilməsidir.