Alimlər bir çox ölkələrdə yayılmaqda olan Omikronun (B.1.1.529) misli görünməmiş çox sayda mutasiyaya malik olduğunu bildirirlər. 

Aztibb.az xəbər verir ki, bu, Omikronun keçmiş infeksiyalara əsaslanan peyvəndlərin verdiyi immun müdafiənin bir hissəsindən yayına bildiyini göstərir.

Statistika göstərir ki, 16 noyabr 2021-ci ildə Cənubi Afrikada gündəlik 136 yoluxma hadisəsi qeydə alınıbsa, 25 Noyabr 2021-ci ilə qədər bu rəqəm 1200-dən çox olub.

Yoluxma hallarının 80%-dən çoxu Yohannesburq və Pretoriyanın da daxil olduğu, sıx məskunlaşma olan Qauteng əyalətində olub.

Cənubi Afrikanın Stellenbosch şəhərindəki Epidemik Müdaxilə və İnnovasiya Mərkəzinin (CERI) alimləri bu narahatedici rəqəmlərə görə tədqiqatları genişləndirməyi planlayırlar.