Bakı Sağlamlıq Mərkəzində ümummilli lider Heydər Əliyevin anım gününə həsr olunmuş tədbir keçirilib.

Əvvəlcə Azərbaycan Respublikasının Dövlət Himni səsləndirilib, Ulu Öndərin əziz xatirəsi bir dəqiqəlik sükutla yad edilib.

Tədbiri giriş sözü ilə açan Bakı Sağlamlıq Mərkəzinin icraçi direktoru Asiman Həsənov dahi lider Heydər Əliyevin şərəfli həyat yolu, xalqımız qarşısında misilsiz xidmətləri, habelə onun Azərbaycan səhiyyəsinin inkişafı üçün gördüyü işlərdən danışıb. A.Həsənov müasir dövlətçiliyimizin banisi, ümummilli lider Heydər Əliyevin əbədiyyətə qovuşmasından illər ötməsinə baxmayaraq, Azərbaycan xalqının öz xilaskarını heç zaman unutmadığını, daim ehtiramla yad etdiyini söyləyib.

Daha sonra Mərkəzin həkimləri çıxış edərək görkəmli dövlət xadimi Heydər Əliyevin öz müdrik siyasəti, zəngin idarəçilik və dövlətçilik təcrübəsi sayəsində Azərbaycanın müstəqilliyinin təmin edilməsi, ölkəmizin beynəlxalq aləmdə söz sahibinə çevrilməsindən bəhs ediblər. Natiqlər Ulu Öndərin siyasətinin Prezident İlham Əliyev tərəfindən layiqincə davam etdirildiyini bildiriblər.