Aztibb.az xəbər verir ki, tədbirdə klinikanın Nefrologiya şöbəsinin həkim-rezidenti Yeganə Bayramova müalicədən sonra müsbət dinamika əldə edilmiş xəstə haqqında ətraflı məlumat verib.

 

Bildirib ki, 2008-ci ildən kron xəstəliyindən əziyyət çəkən 53 yaşlı kişi xəstə, 2021-ci ilin fevral ayında kron xəstəliyinin fəsadı olan qanlı ishal şikayətlərindən sonra total koloektomiya olub və stoma qoyulub. Stoma vasitəsilə sutkada 5 litrə yaxın ifrazat xaric edildiyinə görə xəstə dehidratasiya vəziyyətinə girib, sidik ifrazının kəskin azalması və qanda kreatinin səviyyəsinin artması müşahidə olunub.

 

Y.Bayramovanın sözlərinə görə, ətraflı müayinələrdən sonra xəstənin stasionar şəraitdə müalicəsi aparılıb, sutkalıq 4 litrə yaxın maye köçürülməsi və həzm sistemi üçün təyin olunan dərman preparatlarından sonra xəstədə müsbət dinamika əldə edilib.

 

Sonda klinikanın digər həkim-rezidentlərilə birgə mövzu ətrafında geniş müzakirələr aparılıb, suallar cavablandırılıb.