Rusiyada ana bətnində olan uşaq əməliyyat olunub.

Aztibb.az Rusiya KİV-inə istinadən xəbər verir ki, hələ doğulmamış uşağa hidrosefaliya (beyində mayenin yığılması) və diafraqma yırtığı diaqnozları qoyulub. Bu vəziyyətdə hətta qeysəriyyə kəsiyi əməliyyatının tətbiqi çox riskli nəticələrə, ananın uşaqlığının itirilməsinə səbəb ola bilərdi.

Həkimlər US aparatlarının köməyi ilə uşağın beynindən iynə ilə 150 ml maye çıxardıblar. Nəticədə uşağın başı 46 sm-dən (bu təxminən 1 yaş 3 aylıq uşağın başının ölçülərinə uyğundur) 38 sm qədər kiçilib. Əməliyyat uğurlu keçib.

Növbəti gün uşaq qeysəriyyə kəsiyi əməliyyatı nəticəsinə dünyaya gəlib. Ana və körpənin vəziyyəti normaldır.