Azərbaycan Tibb Universitetinin (ATU) Tədris Stomatologiya Klinikasında rezidentlərlə görüş baş tutub.

 

Aztibb.az xəbər verir ki, öncə klinikanın direktoru, dosent Mahir Səfərov I kursa daxil olmuş rezidentləri təbrik edib, təhsil dövründə onlara nailiyyətlər arzulayıb. M.Səfərov çıxışında rezidentlərin təhsili üçün yaradılmış şərait, təhsil prosesi ilə bağlı mövcud problemlər və onların həlli istiqamətində görüləcək işlər barədə danışıb.

 

Sonra ATU-nun Rezidentura və magistratura şöbəsinin müdiri, professor Məlahət Sultanova çıxış edərək rezidentura təhsili səviyyəsinin yüksəldilməsi istiqamətində həyata keçiriləcək tədbirlərdən bəhs edib. O, həmçinin rezidentlərin daha çox qaldırdığı problemlərin həlli yolları ilə bağlı təklifləri səsləndirib.

 

Görüşün sonunda rezidentlərin sualları cavablandırılıb, müəyyən tapşırıqlar verilib. Belə görüşlərin həm canlı, həm də onlayn formatda mütəmadi olaraq keçirilməsi qərara alınıb.