Mərkəzi Gömrük Hospitalının Mama-ginekologiya şöbəsinin mama-ginekoloqu Nərmin Muradova 1-5 dekabr 2021-ci il tarixlərində Türkiyənin Antalya şəhərində Türkiyə Qadın Xəstəlikləri və Doğum Dərnəyi tərəfindən hibrid formatında təşkil edilmiş XVIII Milli Ginekoloji və Mamalıq konqresində iştirak edib.

 

Aztibb.az xəbər verir ki, konqresdə müxtəlif ölkələrdən ginekoloji xəstəliklər üzrə mütəxəssis həkimlər iştirak ediblər. Məşhur mama-ginekoloqların araşdırmalarına və təcrübələrinə əsasən ən son yenilikləri özündə əks etdirən mövzularda çıxışlar edilib.

 

Tədbirdə, həmçinin COVID-19 pandemiyası ilə bağlı hamilə qadınlarda ola biləcək risklər, xəstəliklər, ağırlaşmalar, hamiləlikdə istifadə oluna bilən dərman preparatları, preeklampsiyaya bağlı hamiləlik dövründə yarana biləcək risklərin qarşısının alınması mövzularında geniş məlumatlar verilib.

 

300-dən çox dinləyicinin iştirak etdiyi konqresin sonunda iştirakçıları maraqlandıran suallar cavablandırılıb.