Avropa İttifaqı (Aİ) və Ümumdünya Səhiyyə Təşkilatının (ÜST) ortaq “Sağlamlıq üçün Həmrəylik Təşəbbüsü” layihəsi çərçivəsində 40-dan çox aparıcı tibb müəssisəsinin, o cümlədən Fövqəladə Hallar Nazirliyi və Dövlət Gömrük Xidmətinin tibb xidməti rəhbərləri üçün “Xəstəxanaların hazırlıq səviyyəsinin artırılması” mövzusunda seminar təşkil edilib.

 

İcbarı Tibbi Sığorta üzrə Dövlət Agentliyinin Tibbi Planlama departamentinin rəhbəri Hikmət İbrahimli, TƏBİB-in Elmi-tədqiqat və təhsil departamentinin rəhbəri Elmir Bəşirov seminarda açılış nitqi ilə çıxış edib.

 

Daha sonra ÜST-ün Azərbaycan nümayəndəliyindən Dr. Halil İbrahim Durak və Dr. Tural Qulu çıxış edərək qurumun xəstəxanaların hazırlıq səviyyəsinin artırılması və "Sağlamlıq üçün Həmrəylik Təşəbbüsü" layihəsi çərçivəsində görülmüş işlər barədə məlumat verib.

 

ÜST-ün konsultantları Dr. Həsən Odabaşıoğlu xəstəxanalarda fövqəladə hallara hazırlığın planlaşdırılması ilə bağlı tədbirlər, Dr. Can Hüseyn Hekimoğlu isə infeksiyaların profilaktikası və nəzarətlə bağlı görülməli olan tədbirlərdən danışıb.

 

Seminarın sonunda müəssisə rəhbərləri COVID-19 pandemiyasına cavab tədbirləri ilə bağlı öz təcrübələrini bölüşüb və öyrənilmiş dərsləri müzakirə ediblər.

 

Tədbir Azərbaycanda xəstəxanaların hazırlıq səviyəsinin artırılması, pandemiya və ya digər fövqəladə vəziyyətlərdə idarəetmə sisteminin düzgün təşkil edilməsinə dəstək məqsədilə həyata keçirilib.