İsmayıl Əfəndiyev, həmçinin rezidentlərin öz ixtisasları üzrə Azərbaycanda və xarici ölkələrdə fəaliyyət göstərən elmi cəmiyyətlərə üzv olması, konfrans, konqres və seminarlarda fəal iştirak etməsi, elmi-tədqiqat və ictimai işlərinə cəlb edilməsinin zəruriliyindən danışıb. O, rezidentlərin tədris proqramının ödənilməsi, kuratorlar və rezident arasında münasibətlərin qurulması, rezidentlərin nəzəri və təcrübi bacarıqları, elmi-tədqiqat işlərinə düzgün yanaşması vərdişlərinin yetişdirilməsi ilə bağlı məsləhətlər verib.

 

Daha sonra Radiologiya şöbəsinin rəisi, uzman Eldəniz Hüseynov, Mama-ginekologiya şöbəsinin rəisi, t.f.d. Təranə Bayramova, Cərrahiyyə və Transplantasiya şöbəsinin rəisi, transplantoloq Mircəlal Kazımi, Kardiologiya şöbəsinin invaziv kardioloqları Samir Mustafayev və Emin Hacıbalayev, Reanimasiya şöbəsinin anestezioloq-reanimatoloqları – Mehdi Əliyev, Təranə Göyüşova, Xəyal Məmmədov, Cərrahiyyə şöbəsinin rəisi, ümumi cərrah Namiq Novruzov şöbələrində rezidentura təhsili alan rezidentlərin fəaliyyəti, görülən işlər barədə məlumat veriblər.

 

Mərkəzi Gömrük Hospitalının rəis müavini Rəna Qasımova Seçenov adına Birinci Moskva Dövlət Tibb Universiteti Bakı filialının Tədris-simulyasiya mərkəzi ilə həyata keçirilən əməkdaşlıq çərçivəsində rezidentlər üçün mövcud olan perspektivlərdən danışıb.

 

Tədbirin sonunda rezidentlərin sualları cavablandırlıb, fikir mübadiləsi aparılıb.

 

Qeyd edək ki, Mərkəzi Gömrük Hospitalında 2018-ci ildən yaradılmış rezidentura təhsilinin əsas məqsədi gələcəkdə işinin peşəkarı, yüksək nəzəri və təcrübi biliklərə malik, savadlı həkimlər yetişdirməkdir.